Misal Romano

ORDINÁRIO DA MISSA
Texto Oficial Tetum
Para o Povo

Conferência Episcopal Timorense
Comissão Nacional Liturgia

Ritos Iniciais

S: Hodi Padre,...

P: Amen.

S: Na’i Jesus Cristo nia graça, Aman Maromak nia domin, hamutuk iha Espírito Santo, horik ho imi.

P: Rahun-di’ak ba Maromak be halibur ita, iha Cristo nia domin.

S: Maun-alin no feton sira: atu hala’o loloos mistério santo sira, hanoin lai katak ita ema maksalak.

S: Confessa ita salan.

Ha’u confessa ba Maromak, Kbiit-tomak Na’in,
No ba imi, maun-alin no feton sira, katak ha’u sala fil-fila, hodi hanoin no hateten, hodi hahalok no la hala’o ha’u knaar, ha’u sala, ha’u sala tebes duni. Tan ne’e, ha’u husu ba Santa Maria, Virgem nafatin, ba Anjo no Santo sira hotu, no mos ba imi, maun-alin no feton sira, atu harohan ba Maromak, ita Na’in, mai ha’u.

S: Maromak kbiit-tomak Na’in sadi’a ita ba, perdua ita salan, lori ita ba moris rohan-laek.

P: Amen

V: Na’i Sadi’a ami R: Na’i sadi’a ami

V: Cristo sadi’a ami R: Cristo sadi’a ami

V: Na’i sadi’a ami R: Na’i sadi’a ami

Glória ba Maromak iha leten aas liu,
Paz iha rai-klaran, ba ema sira be laran-di’ak.
Na’i Maromak, Liurai lalehan, Aman Maromak kbiit-tomak Na’in: ami hawelok Ita, ami hahí Ita, ami adora Ita, ami haliban Ita, tan Ita-nia glória boot tebes.
Na’i Jesus Cristo, Oan-mane Mesak, Na’i Maromak, Bibi-oan Maromak, Aman Maromak nia Oan: Ita be kasu mundu salan, sadi’a ami. Ita be kasu mundu salan, simu ami nia harohan. Ita be hatodan-An iha Aman nia sorin kwana, sadi’a ami.
Tan Ita mesak de’it Santo; Ita mesak de’it Na’i; Ita mesak de’it, Aas liu nobun, Jesus Cristo, hamutuk ho Espírito Santo: iha Aman Maromak nia glória. Amen.

S:Mai ita harohan..., Hodi ami Na’i Jesus Cristo, ita Oan, be Maromak ho ita, hamutuk iha Espírito Santo.

P: Amen.

Liturgia da Palavra

L: Na’i nia futar Lia.

P: Agradece ba Maromak

S: Na’i horik ho imi.

P: Horik mos ho ita.

S: Na’i Jesus Cristo nia Evangelho, tuir São N.

P: Na’i Glória ba Ita.

S: Lia maksoin.

P: Cristo, ami hahí Ita

Profissão de Fé

Ha’u fiar Maromak mesak ida de’it,
Aman Kbiit-tomak Na’in, Mahalo lalehan no rai, buat hotu be bele haré no labele haré.
Ha’u fiar Na’i ida de’it, Jesus Cristo, Maromak Oan-mane Mesak, moris nanis hosi Aman molok tempo hahú. Maromak hosi Maromak, Naroman hosi Naroman. Maromak loos, hosi Maromak loloos; Aman hako’us, la halo Nia, nia-An ida de’it ho Aman. Buat hotu halo ona hodi Nia.
Tan ita ema, atu soi ita, Nia tun ona hosi Lalehan. Hodi Espírito Santo, Nia hola isin iha Virgem Maria nia knotak, halo nia-An ba ema. Tan mos ba ita, ema hedi Nia ba cruz, iha Pôncio Pilatos nia ukun; terus, mate tiha, ema hakoi Nia.
Liu loron tolu, tuir Escritura, Nia hahú moris-hi’as; hi’it-An ba Lalehan, he’in-An iha Aman nia sorin kwana. Nia sei mai fali ho glória, atu tesilia ba ema moris no ba ema mate; nia ukun sei rohan-laek.
Ha’u fiar Espírito Santo, Na’i be haraik moris, mai hosi Aman no Oan; ema haNa’i, haliban hamutuk ho Aman no Oan: Nia ha’e lia tun liu hosi Profeta sira.
Ha’u fiar Kreda ida-mesak, santa, católica, apostólica. Ha’u haklaken batismo ida de’it atu kasu salan. Ha’u hein moris-hi’as mate siran, no moris ida be sei mai. Amen.

Ha’u fiar Maromak
Aman Kbiit-tomak Na’in, Mahalo lalehan no rai; no Jesus Cristo, nia Oan-mane Mesak, ita Na’in, be ko’us ona hodi Espírito Sant nia kbiit; moris hosi Virgem Maria; terus iha Pôncio Pilatos nia ukun, hedi iha cruz, mate no hakoi tiha; tun ba mate sira hela fatin; liu loron tolu moris-hi’as; hi’it-An ba Lalehan; he’in-An iha Aman Maromak Kbiit-tomak Na’in nia sorin kwana, hosi nebé sei hi’it-An mai atu tesilia ba ema moris no ba ema mate. brHa’u fiar Espírito Santo; santa Kreda Católica; Santo sira tulun malu; salan sira kasu ona; moris-hi’as isin nian no moris rohan-laek. Amen.

Liturgia Eucarística

S: Maun-alin no feton sira, harohan ba atu Aman Maromak Kbiit-tomak Na’in bele simu karan-mutun ha’un no imi nian.
P: Na’i simu netik karan-mutun ne’e hosi o liman atu hahí no hawelok nia naran, ba ita nia di’ak no ba santa Kreda hotu nian.

Oração Eucarística

S: Maromak horik ho imi.
P: Horik mos ho ita.

S: Hasa’e imi neon ba Maromak.
P: Ami hasa’e ona ba Maromak.

S: Mai ita agradece Na’i ita nia Maromak.
P: Ne’e ita nia knaar, ita maksoin.

Santo, Santo, Santo Na’i Maromak kbiit-tomak Na’in.
Lalehan no rai haklaken ita glória.
Hosana leten aas ba.
Diak tebes Ida be mai hodi Na’i nia naran.
Hosana leten aas ba.

S: Mistério fiar nian.
P: Na’i, ami fo hatene ita nia mate, ami haklaken ita nia moris-hi’as. Na’i Jesus, hi’it-An mai!

Ritos da Comunhão

S: Tuir Maksoi hanorin, ita barani harohan:

Ami Aman, be iha lalehan,
halo ami hahí-hana’i Ita naran,
halo Ita nia reino to’o mai ami;
Ita nia hakaran halo tuir ba iha rai nu’udar iha lalehan.
Ohin ne’e haraik aihan lor-loron nian mai ami;
haraik perdão mai ami salan, nu’udar ami perdua ema halo aat ami;
labele husik ami monu ba tentação;
maibé hasai ami hosi aat.

S: Na’i, hasai ami hosi aat tomak…
P: Ita mak Ita mak Liurai, Ita mak ukun ho kbiit-liurai ba nafatin.

S: Ita be Maromak ho Aman hamutuk iha Espírito Santo.
P: Amen.

S: Na’i nia damen horik nafatin ho imi.
P: Cristo-Nia domin halo ita hamutuk ona.

Bibi-oan Maromak nian be kasu mundo salan, sadi’a ami.
Bibi-oan Maromak nian be kasu mundo salan, sadi’a ami.

Bibi-oan Maromak nian be kasu mundo salan, haraik damen mai ami.

S: Rahun-di’ak ba sira be tene ona ba Han-kalan Na’i nian. Ne’e ha’e Bibi-oan Maromak, be kasu mundo salan.
P: Na’i, ha’u la so’i Ita-Boot hi’it-An mai ha’u horik-fatin maibé, Ita-Boot dehan de’it liafuan ida, ha’u sei hetan maksoin.

Ritos de Conclusão

RITOS DE CONCLUSÃO

S: Maromak horik ho imi.
P: Nia horik ho ami.

S: Missa hotu ona ba ho Maromak.
P: Kmanek wa’in ba Maromak.

ORASAUN LORLORON NIAN

Tamba sinal santa Kruz Na'i Maromak hasai ami hosi buat aat hotu. Hadi Padre, hodi Filho, hodi Espiritu Santu nia naran. Amen.

Granas e louvores se deem a todo momenta ao Santissimo e Divinissimo Sacramento.

Na'i, ha’u nia Maromak, ha'u tiar, ha'u adora, ha'u hein, ha’u hadomi Ita Boot. Ha'u husu perdua ba ema sira nebe la tier, la adora, la hein, la hadomi Ita Boot.

ANGELUS

Tempu bai-bain)

Na'i Maromak nia Anju hodi Na'i Maromak nia lian ba Maria.
Nia ko'us dau-daun tamba Espiritu Santu nia grasa.
Ave Maria.

Ha'u ne'e, Na’i Maromak nia atan deit.
Atu halo tuir duni Ita Boot nia lia.
Ave Maria.

Maromak Filho halo an ba mane.
Nia mai moris duni hamutuk ho ita.
Ave Maria.

Maromak nia Inan Santa, harohan mai ami ata.
Ami atu bele hetan Jesus Kristu nia rahun diak.

Orasaun:
Na'i Maromak, ami ata husu ba Ita Boot atu haraik Ita Boot nia grasa mai ami nia klamar. Tuir Anju nia lia ami hatene lolos katak Ita Boot nia Oan halo An ba Mane duni. Tan nia terus to'o mate iha krus, ami harohan ba Ita Boot, halo ami ata moris tali atu ba iha lalehan. Ami husu ne'e tanba ami nia Na'i Jesus Kristu. Amen.

REGINA COELI

Tempu Pascoa

Liurai Feto lalehan, Ita Boot neon kontente, aleluia!
Tanba Oan Ita Boot kous, aleluia.

Moris fali nudar Nia uluk hateten, aleluia!
Harohan Na’i Maromak mai ami, aleluia

Oh Virjem Maria, Ita Boot bele ona kontente teb- tebes, aleluia!
Tanba ami na'i Na'i moris fali lolos, aleluia!

Orasaun:
Na'i Maromak, Ita boot halo ema hot-hotu kontente tanba Ita Boot nia Oan, ami Na'i Jesus Kristu, moris fali duni; tan nia Inan Virjem Maria, halo ami hetan rahun diak nafatin iha lalehan. Ami husu ne’e tanba ami Na'i Jesus Kristu. Amen.

ORASAUN DADER NIAN

Ha'u nia Maromak, ha'u adora Ita boot, ha'u hadomi Ita Boot, ho ha'u nia laran tomak. Ha'u agradese Ita Boot tanba Ita Boot mak halo ha'u moris, halo ha'u sarani, halo ha'u deskansa iha kalan ida ne'e. Buat hot-hotu ha'u halo iha loron ne'e ha'u hasa'e ba ItaBoot, Na’i Maromak halo ha’u moris ohin ne’e hodi tuir deit Ita Boot nia hakarak, hodi buka deit Ita Boot nia gloria. Dada ha’u sai hosi sala no hosi buat aat hotu. Haraik Ita Boot nia grasa ho Ita Boot nia bensa mai ha’u, ba ha’u nia parente sira no ba ema hot-hotu. Amen.

AKTU DE FÉ, ESPERANSA NO KARIDADE

Ha’u nia Maromak, ha’u fiar no hein metin Ita Boot, ha’u hadomi Ita Boot liu sasan hot-hotu no hadomi maun alin sira nudar ha’u an rasik tanba Ita Boot.

AKTU DE KONTRISAUN

Ha’u nia Maromak, ha’u hanoin ho laran moras sala hot-hotu ha’u halo ona kontra Ita Boot diak liu, nebe halo diak deit mai ha’u. Ha’u hasa’e lialos ba Ita Boot, hodi Ita Boot nia grasa, lakohi sala tan. Ha’u husu barak Ita Boot perdua ha’u, tanba Ita Boot laran diak ho tanba ha’u nia Na’i Jesus Kristu terus to'o mate tanba ha’u.

ORASAUN BA ANJU HEIN ITA

Na’i Maromak nia Anju Santu, hein didiak ha’u. Ukun ha’u nafatin, halo ha’u tuir diak deit tanba Na’i Maromak rasik mak entrega ha’u iha ita boot nia liman. Amen.

ORASAUN BA SANTU PADRE

Ita harohan ba ita nia Amo Papa, Santu Padre Bento XVI. Na’i haraik isin diak ba nia, hametin no tahan nia.

Orasaun: Maromak sarani hotu nia Bibi atari no mata dalan; hateke ho laran diak ba ita atan, Amo Papa Bento XVI, nebe Ita Boot mak fihir nudar Ita Kreda nia Bibi atan. Haraik atu povu nebe nia ukun simu didiak nia liafuan no esemplu sira, atu nune'e, nia bele to'o moris rohan laek hamutuk ho bibi luhan tomak nebe Ita Boot hameno ba nia. Ami harohan ne'e hodi ami Na’i Jesus Kristu hamutuk ho Espiritu Santu. Amen.

ORASAUN ATU HUSU VOKASAUN

Jesus tutor Fuan iha Eukaristia, Nailulik boot rohan laek: tanba Ita Boot nia domin laran luak, ami husu atu tulun familia sai santu; nune'e, hanesan viveiro diak ida, bele naburas vokasaun barak ba Ita nia Kreda.

Haraik mos nailulik barak mai ami, nailulik sira nakonu ho Ita Boot nia Espiritu, manas ho Ita Boot nia Karidade atu buka deit Ita Boot nia reinu iha rai ne'e no Ita Boot nia gloria iha Lalehan.

Oh Jesus, Maksoin mundu nian.
Haraik santidade ba ita nia nailulik sira.
Oh Maria, Klero nia Liurai Feto.
Haraik nailulik barak no santu ba Ita nia Kreda.

ORASAUN BA KLAMAR SIRA IHA PURGATORIU

Na’i Maromak, fo sira hetan rahun diak nafatin.
Halo Ita Boot nia naroman leno sira nafatin.
Halo sira descansa ho paz.
Amen.

ORASAUN KALAN NIAN

Ha’u nia Maromak, ha’u ata adora Ita Boot ho ha’u nia laran tomak. Ha’u agradesce Ita Boot tanba Ita Boot halo ha’u, halo mos ha’u sai sarani, halo ha’u moris loron ida ne’e tan. Perdua sala hot-hotu ha’u ata halo ohin ne’e; ha’u halo diak ruma karik, ha’u hasa’e ba Ita Boot, hodi husu deit Ita Boot nia grasa. Ha’u ata ba toba, Ita Boot hare didiak ha’u. Keta husik ha’u monu ba tentasaun ruma. Na’i Maromak, haraik Ita Boot nia tulun no Ita Boot nia bensa mai ha’u, ba ha’u nia parente sira no ba ema hot-hotu.
Amen.

ITA NAIN FETO NIA ROSARIO

Maromak, hili-An mai tulun ami.
Na’i mai laba’i sai ami.
Gloria ba Padre...

I. MISTERIOS GOZOSOS

(Sei reza iha segunda feira no Sabado)

Misterio 1: Ita sei hanoin katak Anju São Gabriel ba fo hatene ba Maria Santissima katak nia atu sai Maromak nia Inan.
(Ami Aman, Ave Maria 10, Gloria)

Oh Maria, Inan sala laek.
Haraik tulun mai ami nebee husu Ita Boot nia tulun.

Oh Jesus haraik perdua ba ami salan.
Keta husik ami monu ba ahi infernu nian: lori klamar sira ba lalehan. I’u-i’u sira nebee ema haluha atu harohan ba.

Misterio 2: Ita sei hanoin katak Maria Santissima ba visita nia feto maluk Santa Isabel.

Misterio 3: Ita sei hanoin katak Ita Na’i Jesus Kristu moris iha bibii luhan ida, iha rai Belem.

Misterio 4: Ita sei hanoin katak Ita Nain Feto ba apresente nia Oan Jesus iha uma kreda boot Jerusalem.

Misterio 5: Ita sei hanoin katak Jesus lakon horik loron tolu ona, ita Nain Feto hetan fali Nia iha Jerusalem.

II. MISTERIOS LUMINOSOS

(Sei reza iha Quinta feira)

Misterio 1: Ita sei hanoin katak Joao Baptista sarani Jesus iha mota Jordaun.

Misterio 2: Ita sei hanoin katak Jesus tuir testa kaben iha Kana.

Misterio 3: Ita sei hanoin katak Jesus la'o lemo rai haklaken Maromak nia Reinu.

Misterio 4: Ita sei hanoin katak Jesus nakfilak An iha foho Tabor.

Misterio 5: Ita sei hanoin katak Jesus han ba dala ikus, hodi hari Eukaristia.

III. MISTERIOS DOLOROSOS

(Sei reza iha Terça no Sexta feira)

Misterio 1: Ita sei hanoin katak Jesus neon sala, halo orasaun iha toos Oliveira nian.

Misterio 2: Ita sei hanoin katak ema Judeu sira futu Ita Na'i Jesus Kristu, baku nia isin, halo mesa kanek.

Misterio 3: Ita sei hanoin katak ema tau aitarak ba Jesus nia tutor ulun.

Misterio 4: Ita sei hanoin katak Jesus lori nia krus, hodi ba to'o foho Kalvario.

Misterio 5: Ita sei hanoin katak Ita Na’i Jesus Kristu hedi netik iha krus, terus to’o mate tanba ita.

IV. MISTERIOS GLORIOSOS

(Sei reza iha Quarta feira no Domingo)

Misterio 1: Ita sei hanoin katak Jesus mate tiha, liu loron tolu nia moris hias.

Misterio 2: Ita sei hanoin katak Jesus sa'e rasik ba lalehan.

Misterio 3: Ita sei hanoin katak Espiritu Santu tun husi lalehan mai tan Maria Santissima no apostolu sira.

Misterio 4: Ita sei hanoin katak Na'i Maromak hasa’e ita Nain Feto ba lalehan.

Misterio 5: Ita sei hanoin katak Na'i Maromak haraik gloria boot ba Maria Santissima iha lalehan.

Nota litúrjika no pastoral nian

"Segundo a prática corrente, a segunda e a quinta-feira são dedicadas aos “mistérios da alegria", a terça e a sexta-feira aos “mistérios da dor", a quarta-feira, o sábado e o domingo aos “mistérios da glória”.
Onde se podem inserir os “mistérios da luz”?

Atendendo a que os mistérios gloriosos são propostos em dois dias seguidos - sábado e domingo - e que o sábado é tradicionalmente um dia de intenso carácter mariano, parece recomendável deslocar para ele a segunda meditação semanal dos mistérios gozosos, nos quais está mais acentuada a presença de Maria.
E assim fica livre a quinta-feira precisamente para a meditação dos mistérios da luz."
ROSARIUM VIRGINIS MARIAE DO SUMO PONTÍFICE JOÃO PAULO II, n. 38

KNANANUK SIRA

ENTRADA

KSOLOK BOOT BAINHIRA EMA DEHAN

Ksolok boot bainhira ema dehan:
“La’o ba Na’i Maromak nia kadunan.
To’o tiha o nia odamatan
ksolok tebes, Jerusalem!”

1. Jerusalem, harii met-metin
   nudar cidade la nakdoko.
   Ba neba sa’e ema barak,
   Na’i Maromak nia ema.
2. Hahi Na’i Maromak naran,
   halo tuir lisan Israel nian.
   Maromak lia los no boot tebes
   iha Israel nia kadunan.
3. Husu hakmatek ba Jerusalem;
   moris hakmatek ho belun sira.
   Kota laran, laran hakmatek;
   kadunan laran, laran metin.
4. Tamba ha’u maun, ha’u alin sira,
   ha’u dehan ba o diak nafatin.
   Tamba Na’i Maromak nia kadunan
   o sei hetan diak tebes.

LALEHAN RAI FOUN

Lalehan rai foun Na’i sei fo mai,
justisa nakonu iha mundu be sei mai.

1. Ita, Maromak nia Oan, mak haraik liberdade.
   Ita Boot tesi lia, sei tuir karidade.
2. Mate ita sei manan ho Kristus, ita sei manan.
   Ho gloria Maromak nian, sei moris ba bei-beik.
3. Na’i, Ita reinu mak tebes ho domin no lialos,
   ho dame no justisa, ho gloria no santidade.

LA’O DAUDAUN BESIK BA NA’I NIA ALTAR

La’o daudaun besik ba Na’i nia altar
ami atu hafoun Na’i nia domin.
Aleluia, aleluia!

1. Haraik Ita lialos no Ita roman atu leno netik ami dalan ba Maromak.
2. Na’i Maromak ha’u nia ksolok; ha’u sei hahi Nia beibeik loron kalan.
3. Gloria ba Aman no ba Oan, no ba Espiritu Santu.
4. Nudar hori uluk, oras ne’e, tinan ba tinan, nafatin. Amen.

LORON FESTA

Loron festa, loron festa, loron festa hadomi.
Loron festa, loron festa, loron festa iha fuan.

1. Kreda nakloke etu ba halibur. Sarani mai hotu ho ksolok iha fuan.
2. Ne’e mak loron haksolok nian; Na’i haraik mai ita.
3. Hot-hotu hamutuk hodi adulas altar, atu forma familia Maromak nian.
4. Hot-hotu fuan ida met-metin ba malu. Maun alin ida-ida fo ksolok, hadomi.

LORON FOUN SA’E ONA

Loron foun sa’e ona, loron foun sa’e ona, aifunan naklelar.
Loron foun sa’e ona, loron foun sa’e ona, ha’u hetan ha’u nia Maromak.

1. Dalan tomak mundu ne’e nian dada ita ba lalehan. Jesus Kristus mak dalan, lori ita ba lalehan.
2. Ita ema nia vida laos deit iha terus, alin maun ita hetan, halo ita hadomi malu.
3. Dalan nobun iha raiklaran halo ita la para, tamba buat nobun sei liu, domin deit hasa’e ba Ita.

LORON IDA NE’E

Loron ida ne’e mak Maromak fo tulun.
Ita hetan diak no haksolok.
Fo laran ba Maromak tan Nia,
tan Nia diak, diak ba oin nafatin
aleluia, aleluia.

1. Israel nia ema, dehan ba,
   “Ninia diak, diak ba oin nafatin.”
   Araa uma maka dehan ba,
   “Ninia diak, diak ba oin nafatin.”
   Dehan ba Na’i Maromak nia uma,
   “Ninia diak, diak ba oin nafatin.”
2. Iha ema diak sira knua,
   ho hananu ksolok manan nian,
   ita Na’i liman los halo diak,
   foti Ita liman los, Maromak.
   Maromak liman los todan tebes;
   liurai liman, liman Na’i Maromak.

LORON KSOLOK BOOT

1. Loron ida ne’e mak loron domin nian
   hamutuk halibur ho ksolok
   atu haklaken Na’i nia Naran.
   Loron ida ne’e mak loron domin nian
   Aleluia, aleluia. Ami haklaken ho ksolok boot tan Na’i nia hahalok tomak. Aleluia, aleluia.
2. Loron ida ne’e mak Na’i fo perdua.
   Hamutuk halibur ho ksolok
   atu haklaken Na’i nia Naran.
   Loron ida ne’e mak Na’i fo perdua.

MAI HOTU HAKBESIK MAROMAK

Mai hotu, hakbesik Maromak; haksolok no hananu!

1. Rai tomak hawelek Maromak, serbi ita Na’i haksolok. Mai nia futar oin, hananu ksolok nian.
2. Sei hatene katak Maromak ida deit. Ita, Nia mak halo, ita ninian. Ita nia povu bibi luhan Na’i nian.
3. Mai, tama nia odamatan hodi hananu. Hana’i, hahi Na’i Maromak, agradese, hawelek nia naran.
4. Tamba Na’i Maromak daki liu hotu; Nia domin ba bei-beik, Nia lialos ba nafatin.
5. Hasa’e ba Maromak Padre bele hot-hotu; Maromak Filho, Jesus Kristus, ita Na’i; ba Espiritu Santu. Amen.

MAI, LA’O HO HA’U BA MAROMAK UMA

1. Mai, la’o ho ha’u ba Maromak uma. (3x)
   Iha neba haksolok, ksolok, ksolok.
2. Lalehan la dook ba Maromak uma. (3x)
3. Jesus mak dalan ba Maromak uma. (3x)
4. Jesus mak naroman iha Maromak uma. (3x)
5. Jesus mak domin iha Maromak uma. (3x)
6. Jesus mak damen iha Maromak uma. (3x)
7. Ita hahi Nia iha Maromak uma. (3x)

MAROMAK LORON NE’E

Maromak loron ne’e, loron baibain, Jesus. (2x)

1. Lalehan, loron, fulan no fitun,
   to’o foho no tetuk tun tasi nia mai.
   Ema, balada, aifunan, aifuan,
   osan mean no mutin Ita ninian.
2. Dader, loron sa’e, kaer ha’u knaar
   no buka matenek, hanoin ha’u Na’i.
   Kosar no kole, ha’u matan ba leten,
   ha’u fuan ba aas, ha’u Na’i fo tulun.
3. Riku, kiak, matenek eh beik,
   ema diak eh aat, ha’u alin no maun.
   Ha’u fuan no laran, tulun, hadomi
   fo liman ba malu, tan sira Jesus.

MAROMAK MAK BOLU

Maromak, Ita mak bolu no ami la’o to’o mai;
Ita nia liafuan haksolok ami laran. (2x)

1. Ami la’o ba Ita nia mesa, ami la’o ba Ita nia altar, hodi simu Ita nia lia; ami ba ho hananu.
2. Ami hakarak moris ho Ita, lor-loron ba nafatin. Fo mai ami Ita nia domin, fo ksolok mai ami.
3. Ita fo, fahe ba malu fo be moris ita laran, be Ita nia tronu nabilan hato’o ami lia.

NA’I IDA DEIT

Na’i ida deit, fiar ida deit, batismpo ida deit.
Aman Maromak ida deit!

1. Buka hametin unidade iha Na’i nia Espiritu hamutuk iha dame,
   Ita hananu hodi haklaken.
2. Ita hotu isin lolon ida deit iha Na’i Jesus.
3. Ita hotu esperansa ida deit iha Na’i Jesus.

NA’I JESUS, ITA AMI NIA KSOLOK

1. Na’i Jesus, Ita ami nia ksolok. (2x)
   Na’i Jesus, Ita mak halibur ami. (2x)
   Na’i Jesus, Ita mak halibur ami
   Iha Ita nia domin.
2. Na’i Jesus, Ita ami nia dalan. (2x)
   Ema tomak kuran Ita Boot. (2x)
   Ema tomak kuran Ita Boot...
3. Ita Boot hatene ami nia sala. (2x)
   Maibe Ita foti ami neon. (2x)
   Ita la’o hamutuk ho ami...
4. Ohin, loron Na’i ninian. (2x)
   Ami simu Ita Boot nia lia. (2x)
   Ita la’o hamutuk ho ami...

NA’I, KOALIA, BOLU RAI HOTU

Na’i, koalia, bolu rai hotu

1. Na’i, bolu ema hotu: lorosa’e, loromonu.
2. Hosi Síão, foho furak; Nia nabilan.
3. Ita Maromak mak; Nia sei koalia.
4. Halibur iha Ha’u oin, Ha’u ema sira.
5. Rona mai, Ha’u povu! Ha’u mak koalia.
6. Hasai sakrifisiu hahi ba Na’i Maromak.

NA’I LIURAI RAI HOTU NIAN

Na’i liurai rai hotu nian, ami hana’i Ita Boot;
Na’i Liurai ami nian, Ita nia ukun rohan laek.

1. Na’i Maromak laran luak. Nia soi ita tan nia domin, no fo mai ita moris rohan laek.
2. Ami hakat ba Ita uma atu hananu no harohan; ami hahi no agradese ita nia kmanek wain.

NA’I, MAI UMA NE’E

Na’i, mai uma ne’e. Ohin It’bolu ami.
Ami mai halibur nudar Ita oan.

1. Mai hosi fatin barak, halibur iha ne’e. Ema lubun boot nebe tur Ita lia.
2. Hosi fatin dook tebes, hakbesik ba altar ne’e. Simu moris foun hamutuk ho Ita Boot.

OHIN DADER

1. Ohin dader, dala ida tan
   ha’u mai harohan no husu Ita roman,
   tamba ha’u la bele la’o tan ba oin,
   hakarak rona Ita lia nebe dehan:
   Aman hadomi, Nia bolu ha’u,
   Atu fo ksolok ha’u.
   
   Ha’u ba la’o ha’u dalan, ha’u ba
   Tamba Na’i mak domin, tamba Na’i bolu ha’u,
   Tamba Na’i mak domin.
2. Ohin ne’e karik dala ida tan,
   ha’u nia tanis, hamnasa, hanoin
   basa la hatene loran aban nian.
   Buat ha’u hatene mak ida ne’e los:
   katak ha’u Aman bolu ha’u nafatin
   atu fo ksolok ha’u.

OHIN ITA MAI HAHI

Ohin ita mai hahi ita nia Maksoin bele tomak,
hahi, hawelek ita Nain nebe halo ita moris.
Mai hotu, hahii ita Aman, domin los nia hun
nebe halibur ita hadulas altar.

1. Ha’u buka ita, ha’u tuir ita, ha’u hein ita, ha’u hadomi ita.
2. Ha’u fiar metin, ha’u laran metin, ha’u kaer metin ita ukunfuan.

OHIN LORON, LORON HANA’I NA’I JESUS

Ohin loron, loron hana’i Na’i Jesus, aleluia, aleluia.

1. Husik buat hotu, mai uma Kreda, hana’i, hahi Na’i Maromak. Hasa’e ba Nia klamar no isin, terus en ksolok; diak eh aat.
2. Loron Domingo loron harohan, rona Maromak lialos. Komunga, simu aihan lalehan, kbiit makaas, tulun diak nian.

OHIN MAROMAK NIA LORON BOOT

1. Ohin Maromak nia loron boot,
   ho Nia ita mai haksolok,
   hodi hana’i, hahi Nia.
   Ohin Maromak nia loron boot.
   Aleluia, aleluia, ita sei hatudu katak sa,
   ninia hahalok foun tomak.
   Aleluia, aleluia.
2. Ohin Maromak hatudu nia domin…
3. Ohin Maromak hatudu perduan…

RAHUN DIAK BA IDA BE MAI

Rahun diak ba ida be mai hodi Na’i nia naran.

1. Povu raiklaran hakseek, hana’i Maromak ho knananuk ksolok.
2. Tan Na’i boot liu hotu, kbiit makaas, Nia raiklaran tomak nia Liurai.
3. Tan povu hotu iha Nia ukun, halo reinu hotu kilik liu Nia.
4. Haraik rahun kmanek mai ita, tuir Jacob nia domin.
5. Hawelek, haksolok ba Maromak, hakseek hananu ba Na’i.
6. Hananu knananuk ba Maromak, hananu; hananu knananuk ba ita nia Liurai hananu.
7. Maromak mundu tomak nia Liurai, hananu knananuk mesak kmanek.
8. Maromak ukun povu raiklaran, Maromak hein An iha fatin santu.

RAIKLARAN, HANANU

Bidu, ho ksolok, hananu hahi Na’i!
Bidu, ho ksolok, hawelek Nia naran;
raiklaran tomak haktuir Na’i nia beran hodi lia dadolin!
Rai ulun, rai ikun, tuku tur,
hahi na’i nia kmanek mesak oi-oin!
Bidu ho tebe, hananu hahi Na’i!
Bidu, ho ksolok, hawelek nia naran!

1. Povu tomak, hananu; povu tomak hana’i Trindade. Hahi ho ksolok, hawelek kmanek hotu nebe hatudu Na’i nia beran boot.
2. Povu tomak haksolok; povu hotu tuku tur hana’i Na’i nia beran ho buat kmanek hotu nebe haklaken Na’i nia domin lolos.
3. Rai klaran, hananu; povu hosi rai ulun rai ikun, halo rai klaran hawelek hahi Na’i nebe hakiak rai klaran ho Nia domin.

JUNTOS CANTANDO A ALEGRIA

Juntos cantando a alegria
de estarmos unidos na fé e no amor.
Juntos sentindo em nossas vidas
a alegre presença do Senhor.

1. Somos a Igreja peregrina qu’Ele fundou, somos um povo que caminha sem parar. Entre cansaços e esperanças, para Deus, nosso amigo, Jesus, nos levará.
2. Há uma fé que alumia o nosso andar, uma esperança que nos leva a confiar. Mesmo que nos assustem as trevas da morte, nosso amigo, Jesus, nos guiará.
3. É o Senhor que nos ensiste a caminhar; com amizade nos vai acompanhar. Mesmo que nossos pés estremem sem cessar, nosso amigo, Jesus, nos salvará.

JUNTOS COMO IRMÃOS

Juntos como irmãos, membros duma Igreja.
Vamos caminhando ao encontro do Senhor.

1. No longo caminhar pelo deserto, pela dor não podemos avançar sem ajuda do Senhor.
2. Unidos a rezar, unidos na mesma canção, vivemos a nossa fé com a ajuda do Senhor.
3. Unidos a cantar vamos dizer a toda a gente que vale a pena viver na esperança e no amor.
4. Nos vamos trabalhar na construção dum mundo novo onde reinará o amor, onde reinará a paz.

O MANHÃ, O SOL DA ESPERANÇA

1. O manhã, o sol de esperança, a sorrir a flores orvalhadas; luz no olhar, no mar há bonança, há suspiros de almas transformadas.
   
   E contigo, por Ti, em Ti, O Senhor,
   luzeiro sem par que a vida floresce e sorri,
   há frescor de aleluias no ar.
2. Entrarei com teu arrebol a formar um raio de luz e serei também novo sol a espalhar o amor de Jesus.
3. Do altar espelha virtudes para quem tem falta de pão e alegra toda a juventude que a penar Te faz oblação.
4. Ainda há tantos meninos e com frio que a esperança, amor e ternura desabrochem com fé e com brio num perfume da nossa ventura.

SUBIREMOS MONTANHAS

Subiremos montanhas sagradas,
colinas suaves do amor cristão;
lá do alto Jesus nos acena,
mostrando caminho da salvação.

1. Vamos seguindo para o altar
   onde Jesus se dá no pão,
   vamos dizer pelo cantar
   a prece do coração.
   Deus que desceu do alto de céu
   veio servir-nos de farol,
   neste caminho envolto em véu
   em busca do grande Sol.
2. É o sacrifício de Jesus
   que se renova uma vez mais,
   para o cristão ter nova luz
   e a força para seus ais.
   Esta é a Ceia do Senhor
   que nos remiu de todo o mal;
   somos convivas do amor
   em busca do bem final.

VAMOS ACLAMAR O SENHOR

Vamos aclamar o Senhor entre cantos de alegria.
Vamos aclamar o Senhor, celebrar o nosso Deus.

1. Cantai um cântico novo,
   cantai a Deus toda a terra;
   porque Ele fez maravilhas,
   e deu-nos a salvação.
2. Fez aliança de amor em Jesus Cristo, Seu Filho;
   o nosso Libertador, a nossa luz e caminho.
3. Vamos à Ceia do Cristo,
   vamos em festa de paz.
   Cantar a nossa alegria
   de sermos povo de Deus.
4. Felizes os convidados
   para a Ceia do Senhor;
   são testemunhas de Cristo
   para seguir o amor.

VEM COM ALEGRIA, SENHOR

Vem com alegria, Senhor;
cantando vem com alegria, Senhor.
Os que caminham pela vida, Senhor;
semeando a tua paz e amor.

1. Vem trazendo a esperança
   ao mundo coberto d’ansiedade,
   ao mundo que procura e não encontra
   caminhos de amor e de amizade.
2. Vem fazendo corajosos
   esforços fraternos pela paz,
   desejos dum mundo mais humano,
   fundado no bem e na verdade.
3. Quando o ódio e a violência
   Penetram no nosso coração,
   o mundo saberá que és o Senhor
   e esperar com fé a desilusão.

NAI SADIA AMI

NA’I, SADIA AMI

Na’i, sadia ami. (2x)
Kristu, sadia ami. (2x)
Na’i, sadia ami. (2x)

NA’I, SADIA AMI

Na’i, sadia, sadia ami. (2x)
Kristu, sadia, sadia ami. (2x)
Na’i, sadia, sadia ami. (2x)

NA’I, SADIA AMI

Na’i, sadia ami, sadia ami, sadia ami, sadia ami. (2x)
Kristu, sadia ami, sadia ami, sadia ami. (2x)
Na’i, sadia ami, sadia ami, sadia ami. (2x)

NA’I, SADIA AMI

Na’i, sadia ami, sadia ami. Na’i, sadia, sadia ami.

1. Hatudu Ita Boot nia laran luak mai ami, sala nain. Jesus, Maromak nia Oan.
   Kristu, sadia ami, sadia ami. Kristu, sadia ami, sadia ami.
2. Ita deit mak lori ami to’o Aman Maromak.
   Na’i, sadia ami, sadia ami. Na’i, sadia, sadia ami.

NA’I, SADIA AMI

Na’i, sadia ami. (3x)
Kristu, sadia ami. (3x)
Na’i, sadia ami. (3x)

NA’I, SADIA AMI

Oh, oh, oh Na’i, sadia ami.
Oh, oh Na’i, sadia ami.
Kristu, sadia ami.
Oh, oh oh Kristu, sadia ami.
Oh, oh Na’i, sadia ami.
Kristu, sadia ami.

NA’I, SADIA AMI

Na’i, sadia ami tan Ita laran diak,
tan Ita laran luak kasu ha’u nia salan.
Hamos ha’u nia hahalok aat.
Kasu ha’u nia sala hotu;
hafoun ha’u nia laran ho Ita Espiritu Santu.

NA’I, SADIA AMI

O Na’i, o Na’i, sadia ami, o Na’i, sadia ami.
Na’i, Jesus Kristu, mai bolu ema maksalak hakribi sala;
ami husu perdua, ami husu perdua.

O Na’i, o Na’i, sadia ami.
O Kristu, o Kristu, sadia ami, o Kristu, sadia ami.
Na’i, Jesus Kristu, mai lori moris rohan laek ba ema hotu;
ami husu perdua, ami husu perdua.
O Na’i, o Na’i, sadia ami.
O Na’i, o Na’i sadia ami, o Na’i, sadia ami.

GLÓRIA

GLORIA No. 1

Gloria, gloria, gloria
ba Maromak leten aas ba.
Dame, dame, dame
ba ema tomak iha raiklaran.

GLORIA No. 2

Gloria ba Na’i, aleluia.
Paz iha raiklaran, aleluia.
Gloria ba Na’i, aleluia.
Gloria ba Na’i.

GLORIA No. 3

Gloria ba Maromak leten aas ba.
Paz iha raiklaran, aleluia.
Paz iha raiklaran, aleluia.

GLORIA No. 4

Gloria, gloria, gloria, gloria,
Gloria, gloria ba Maromak leten aas ba.

Paz iha raiklaran ba ema sira
nebe Na’i hadomi, nebe Na’i hadomi;
paz iha raiklaran.
Gloria, gloria, gloria,
gloria ba Maromak leten aas ba.

GLORIA No. 5

Gloria ba Maromak leten aas ba.
Paz iha raiklaran ba ema sira
nebe Na’i Maromak hadomi.
Gloria, gloria ba Na’i Maromak.
Gloria ba Maromak leten aas ba.

GLORIA No. 6

Gloria ba Maromak leten aas ba. (3x)
Paz ba ema ne’e Na’i hadomi.
Ha’u hananu!
Gloria ba Maromak leten aas ba. (3x)
Paz ba ema be Na’i hadomi.

SALMU RESPONSORIAL & CREDO

Judul
isi

Judul
isi

OFERTÓRIU

Judul
isi

Judul
isi